“Kitobxonlik” tadbiri tashkil etildi
Sanoat texnologiyalari va mexanika fakulteti jamoasi “Dolzarb 90 kun” loyihasi doirasida “MUHANDISLAR” mahallasiga tashrif buyurib, aholi o‘rtasida “Kitobxonlik” tadbirini tashkil etdi.
Tadbir davomida kitob o‘qishning inson tafakkuri va dunyoqarashini boyitishdagi o‘rni, yoshlarni ilm-fanga yo‘naltirishdagi ahamiyati yuzasidan fikrlar bildirildi. Shuningdek, mahalla yoshlari bilan ochiq muloqotlar o‘tkazildi va turli badiiy hamda ilmiy kitoblar taqdim etildi.
Tadbirdan ko‘zlangan asosiy maqsad – kitobxonlik madaniyatini ommalashtirish va yoshlar o‘rtasida ma’naviy-ma’rifiy muhitni mustahkamlashdan iborat.
