RESPUBLIKA MIQYOSIDAGI ILMIY-AMALIY ANJUMAN O‘TKAZILMOQDA
Toshkent to‘qimachilik va yengil sanoat institutida “Barqaror rivojlanish sharoitida sanoat korxonalarining ekologik muhofazasi va mehnat xavfsizligini ta’minlash: tajriba, muammolar va istiqbollar” mavzusida respublika miqyosidagi ilmiy-amaliy anjuman bo‘lib o‘tmoqda.
Mazkur anjuman, O‘zbekiston Respublikasi Oliy ta’lim, fan va innovatsiyalar vazirligi, Savdo-sanoat palatasi, Innovative Academy ilmiy tadqiqotlar markazi hamda Toshkent to‘qimachilik va yengil sanoat instituti hamkorligida tashkil etilgan.
Anjuman doirasida sanoat korxonalarida ekologik xavfsizlikni ta’minlash, mehnat muhofazasi, zamonaviy texnologiyalarni joriy etish, mavjud muammolar va ularning samarali yechimlari yuzasidan dolzarb masalalar keng muhokama qilinmoqda.
