Oybek tavalludining 120 yilligi munosabati bilan anjuman bo'lib o'tdi
Bugun, 10-yanvar kuni Toshkent toʻqimachilik va yengil sanoat institutida Muso Toshmuhammad oʻgʻli Oybek tavalludining 120 yilligi munosabati bilan “Oʻzbek va jahon adabiyoti koʻzgusida” mavzusida ma'rifiy anjuman bo'lib o'tdi. Unda Oʻzbekiston xalq shoiri Abdulla Sher, Oʻzbekiston Yozuvchilar uyushmasi aʼzolari Abdunabi Boyqoʻziyev ishtirok etdi.
Tadbirni institutning yoshlar masalalari va maʼnaviy-maʼrifiy ishlar boʻyicha birinchi prorektori Baxtiyor Nasimov “Muso Toshmuhammad oʻgʻli Oybekning hayot ijodi va faoliyatini targʻiboti boʻyicha institutda amalga oshirilgan ishlar” haqidagi ma'ruzasi bilan ochib berdi.
Shundan so'ng Shoir Abdulla Sher yoshlarga Oybek hayoti va ijodi haqida aytib berdi. Tadbirda talabalar tomonidan chiqishlar qilindi, sahna ko'rinishlari namoyish etildi, shuningdek 120 yillik munosabati bilan tashkil etilgan insholar va rasmlar tanlovi g'oliblari taqdirlandi.
Shundan so'ng shoirlar hamda institut vakillari Adiblar xiyoboniga tashrif buyurib, Oybek haykali poyiga gul qo'yishdi.
