XITOY XALQ RESPUBLIKASI SHINJON (XINJIANG) UNIVERSITETI DELEGATSIYASI TASHRIF BUYURDI
Xitoy Xalq Respublikasi Shinjon (Xinjiang) universitetining To‘qimachilik va tikuvchilik kolleji delegatsiyasi tashrif buyurdi.
Delegatsiyaga kollej dekani Xia Xin boshchilik qildi. Tashrif doirasida professor-o‘qituvchilar Abulizi Walisi, Zhou Himin, Zhu Xiaoqan, Li Zhiyong, Jiang Lihong ishtirok etdilar.
22-dekabr kuni bo’lib o’tgan uchrashuvda Xalqaro hamkorlik bo‘yicha prorektor I.Bulanov, Xalqaro hamkorlik bo‘limi boshlig‘i V.Lyamkina, “To‘qimachilik matolari texnologiyasi” kafedrasi mudiri O.Ortiqov ishtirok etdi.
Muloqot davomida ikki tomonlama hamkorlikni rivojlantirish, ilmiy-tadqiqotlar, akademik almashinuv, qo‘shma ta’lim dasturlari hamda to‘qimachilik va tikuvchilik sohasida tajriba almashish masalalari muhokama qilindi.
Uchrashuv yakunida tomonlar kelgusida hamkorlikni yanada mustahkamlashga kelishib oldilar.
