Toshkent to‘qimachilik va yengil sanoat instituti mas’ul xodimlari va talabalari "XVI Yevrosiyo yoshlari iqtisodiyot forumi"da faol ishtirok etmoqda.

Mazkur forum doirasida turli seminarlar va ilmiy tanlovlar o‘tkazilmoqda. Unda institut hamda Ural davlat iqtisodiyot universiteti bilan hamkorlikdagi qo‘shma ta’lim dasturining 2-bosqich magistranti Meirbek Kudratillayev  faxrli birinchi o‘rinni egalladi.

Talabamiz, “Современные тенденции экономического развития мира” nomli tanlovda “Применение цифровых технологии в медицинских методах исследований” mavzusidagi ma’ruzasi bilan ishtirok etib, yuqori baholandi.

Mazkur yutuq talaba-yoshlarning ilmiy salohiyatini namoyon etish, xalqaro miqyosda bilim va tajriba almashish hamda ularni innovatsion fikrlashga yo‘naltirish maqsadida o‘tkazilayotgan forumning muhim natijalaridan biri bo‘ldi.