Sanoat texnologiyalari va mexanika fakultetida “Dolzarb 90 kun” loyihasi doirasida talabalar ishtirokida “Yozgi ijod markaz”larini tashkil etish maqsadida Axborot-resurs markazi xodimlari bilan hamkorlikda navbatdagi tadbir o‘tkazildi.

Tadbirda adabiyot, teatr, jurnalistika, tarix va ijtimoiy fanlar yo‘nalishida iqtidorli va faol talabalar ishtirok etdi. Ularning yozgi ta’til davrini mazmunli o‘tkazish hamda ijodiy salohiyatini yuzaga chiqarish maqsadida ijtimoiy tarmoqlar uchun kontent yaratish, g‘oya tanlash va material tayyorlash bo‘yicha amaliy tavsiyalar berildi.

Mazkur tashabbus talabalarning shaxsiy rivoji, ijodiy fikrlashi va ommaviy axborot vositalari bilan ishlash ko‘nikmalarini mustahkamlashga xizmat qiladi.