Sanoat texnologiyalari va mexanika fakulteti tomonidan “Dolzarb 90 kun” loyihasi doirasida yoshlarning bo‘sh vaqtini mazmunli o‘tkazish, sog‘lom turmush tarzini targ‘ib qilish maqsadida institutga biriktirilgan mahalla yoshlari hamda talabalar o‘rtasida sport musobaqalari o‘tkazildi.

Musobaqalar stol tennisi, shaxmat va shashka, shuningdek, futbol kabi sport turlari bo‘yicha tashkil etilib, ishtirokchilar o‘zaro kuch sinashdi va faollik bilan qatnashdi.

Tadbir sport orqali yoshlarda jamoaviylik, sog‘lom raqobat va do‘stona muhitni shakllantirishga xizmat qildi. G‘olib jamoalar va ishtirokchilar fakultet tomonidan diplom va esdalik sovg‘alari bilan taqdirlandi.